САБШАЛСАХА

үйлэ ү., хамтадх. залог 1) эритээр отололсохо, отолходо туһалха (помогать рубить): Ерэжэ намтай мяха сабшалсыш; 2) үбһэ абалсаха, хадалсаха, үбһэ абахада туһалха (помогать косить, совместно косить): Хомхой хобдог Бата зайһаншни намайе минии үбһэ сабшалсангүй, үгытэй шинии үбһэ сабшалсаба гэжэ хороо бусалаад, худал хуурмагаар хардаха гэһэн байгаа бэшэ хаяа даа (Х. Намсараев); 3) нэгэ зэргэ анилзаха (одновременно моргать): Урдаһаань, хурса хара, ууртайшаг, ууртайшагшье бэшэ, харин тон ехээр эсэһэн нюдэн сэб сэхэ гэтэнэ. Нюдөө сабшаха бүринь сабшалсаад лэ байна (Ч. Цыдендамбаев); 4) бэе бэеэ һэлмээр сохихо (рубиться): Хатар сооһоо «Захяа» гэһэн баатарнуудай эршэтэй хатар ехэ гоё һэн, һэлмээр сабшалсажа хатардаг һэмди (Ц.-Х. Дарибазарова).