СААШАНХИ

Н хи, саашахи 1. тэмд. н. 1) хойшодохи, энээнһээ хойшо болохо (дальнейший, будущий): Эжы абань холын хараа бодолтой зон байжа, үхибүүдэйнгээ саашанхи ажабайдалдань һайниие хүсэжэ, багаһаань боро ажалай дүй дүршэлтэй болгоһон (Д. Цыбенова); саашанхи түсэб хойшодоо хэхэ хэрэгтэй юумэн (дальнейшие планы): Иигэжэ үерлөөд байһан голой эрьедэ, үшөө набшаһалаадүй бургааһанай дунда мүнөө хүрэжэ ерэһэн Томас саашанхи түсэбөө бодожо үзэхын тулада тогтобо (Д. Батожабай); саашанхи аза жаргал ерэхэ, ерээдүйн аза жаргал (будущее счастье): Энэ наһанайнгаа хуби заяае һаяхан нэгэдүүлһэн хоёрнай саашанхи зол жаргал тухайгаа бодонод гү? (Б. Мунгонов); 2) ямар нэгэ юумэнэй арада, хойно байһан (находящийся за чем-л.): Витим мүрэнһөө саашанхи Бүтүү, Байсын, Хамниган нугын үргэн нэлэнхы тала дайдаар адуун һүрэг олошоржо эхилээ бэлэй (С. Цырендоржиев); 2. юум. н. хойшодоо болохо юумэн, хожом хэхэ юумэн (дальнейшее, дальнейшая жизнь, дальнейшие действия): Тиигэжэ Буряад Уласай «Үльгэр» болон бу сад театрнуудташье шэнэ халааниие бии болгохоор саашанхиие хараалһан бо долтой түсэл бэелүүлэгдэнэ гээшэ (Ц. Сампилова).