СААШАДАА
А наречи 1) хойшодоо, энээнһээ хойшо, ерээдүйдэ (в дальнейшем, дальше, впредь): Ямар харюу үгэһэнһөөнь энэ хэрэгынь ехэхэн дулдыдаха, ажаябадалдань саашадаа ехэхэн нүлөөлхэ хэбэртэй (Д. Эрдынеев); саашадаа болоходо хойшодоо, энээнһээ хойшо (в дальнейшем); саашадаа хүгжэхэ арга боломжотой хүгжэлтэеэ үргэлжэлүүлхэ боломжотой (имеющий все возможности для дальнейшего развития); сааша саашадаа (всё дальше и дальше; всё больше и больше): Сааша саашадаа эдэ зохёолнууд дээрэнь бэшэшье зохёолшодой фантастическа рассказууд нэмэгдэн үгтэһэн юм (Н. Лубсанова); 2) ямар нэгэн юумэнһээ ябадалаа үргэлжэлүүлхэдэ (дальше): Сэсэг морёо бушуухан хүллэжэ, саашадаа ямаршьегүй уруудаха гэхэдэнь, үбһэниинь бүгтэгэр хуһанда багса шаагдаһан байжа, баһал һаатаха ушартай болобо (М. Осодоев).