СААХАР

юум. н., ород саахарай хулһан гү, али саахарай свёклоһоо абтадаг, ехэнхидээ сагаан үнгэтэй, хатуу, амтатай бодос (сахар): Бишыханбагай өөрын гэхэ үри бэешьегүй һаа, эдэ жаануудта дуратай юм аад лэ, хадагалжа байһан саахараа хубааба (Ц.-Ж. Жимбиев); монсогор саахар а) буталһан сахар (колотый сахар): Монсогор саахарай һэрхигэр мэшээг соо арбаад шэл архи ябталан хээд, суургыень замаглангүй үлгөөд бусаба (С. Цырендоржиев); б) саахарай хэсэг (кусок сахара): Нэгэтэ һүни арбан дүрбэн монсогор саахар абалитай болоһон Булад арбан табадахяа Дашада үүдэ нээхэ гэжэ хаяа доогуурнь оробо (Д. Батожабай).