АЯНШАЛГА

юум. н. холын замда ябалга, газар үзэн ябалга : Аяншалга хэхэдээ ажалша хүнүүд амарха, түрэһэн оронойнгоо байгаалида улам дура тай болохо юм ; аяншалгада гараха холын харгыда гараха : Аяншалгада гаратараа юундэ аяар хоёр үдэр хүлеэхэ хэрэгтэй юм гэжэ үхибүүд гайхабашье, абяа гарангүй үнгэргэбэ ; аяншалгаяа хойшолуулха холын замда саг зуура гарахаяа болихо : – Энэ аяншалгаяа хойшолуулаад, манаар хамта Баргажан-Адагаа бусаа һаатнай дээрэ бэшэ гү? ; дотоодын аяншалалга ямар нэгэ гүрэнэй иргэдэй гүрэнэйнгѳѳ газар үзэлгын ябалга : Хорон хамшаг үбшэнэй бүхэдэлхэйн һүжэрэлэй болон Украинада тусхай сэрэгэй операци эмхидхэгдэжэ эхилһэнэй һүүлээр Оросой Холбоото Уласта дотоодын аяншалга ехэ хүгжэжэ эхилбэ ; аяншалга-элүүржүүлгын дэбисхэр орон газар үзэн ябажа, амаруулха, элүүржүүлхэ талаар туһа хүргэхын тула бүрилдүүлһэн тусхай дэбисхэр, газар : «Байкальская гавань» гэһэн аяншалга-элүүржүүлгын дэбисхэрэй талбай 3300 тухай гектар юм .