ПАМПАГАР

тэмд. н. 1) бамбагар, хѳѳбэгэр, һэглэгэр, һаглагар, һэмбэгэр, барбагар (пушистый, пышный): Пампагар ехэ нооһотой хонид хайша доро ороод лэ, дулаан ба зузаан дахаһаа һалажа, шодогор муухай юумэнүүд гарабашье һаа, бэедэнь хүнгэн ба һэрюухэн болоһондонь баяртайнууд, нүгѳѳдэ хорёо руу гүйлдэжэ ябашанад (Б. Мунгонов); пампагар һахал ехэ, үдхэн һахал (окладистая борода): Ялбагар шагтатай мундир хасар хушама пампагар һахал хоёрынь мүнѳѳ болотор толгойһоонь гарадаггүй (Ч. Цыдендамбаев); 2) пүмпэгэр, пулхагар (пухлый); 3) хүбхэгэр, хүбэнэг (рыхлый – о снеге).