ОРООЛОН

юум. н. 1) шүдхэр, үхэдэл (оборотень, упырь): Ямар шүдхэр үхэдэл тармидаба, ямар ороолон золигой хараал хүрэбэ гээшэб? (Ч. Цыдендамбаев); ороолон шүдхэр (гү, али боохолдой) ада шүдхэр, альбан шүдхэр (черти, нечистая сила): Һард гэһэн юумэнһээ сошожо, айжа, ороолон шүдхэрнүүдые һанаандаа оруулжа, олигтой унтагдабашьегүй (Ц.-Д. Хамаев); Заямхадамнай ороолон боохолдой бии болоо юм ха (М. Осодоев); 2) хараал. шүдхэр, үхэдэл (бран. упырь, чёрт): Үгы, юрэдѳѳ, энэ ши, һохор ороолон, юундээ аһалдаа юмши? (Ц. Шагжин); амиды ороолон шүдхэр, үхэдэл (чёрт, упырь): Тиихэдэмни гэнтэ һанаа орохош, амиды ороолон! (Б. Мунгонов).