ОНИГОР

тэмд. н. 1) уйтан, бага (узкий – о глазах): Чимит Намсараевич нидхэнүүдээ ѳѳдэнь харбан, онигор нюдэеэ бии үгы соонь бэлтылгэн, амаа ангайгаад үлэшэбэ (С. Цырендоржиев); 2) багахан, уйтан (маленький, незначительный – о предметах, которые можно уподобить глазам): Урагшаа, гол руу хараһан гансахан онигор сонхотой, түмэр пеэшэнтэй яһалал дулаахан зэмьеэ (С. Цырендоржиев); Онигор уйтахан будка-гэр сооһоо гарадаггүй Дагбада шэнэ ажалынь нэгэ ёһондоо һайн мэтээр харагдана (Ц. Шагжин); 3) hүлэмхи, бүдэхи, бүрүүл (тусклый): Гэпэлмаа бэшэгүүдые стол дээрэ гаргаад, дэнгэй онигор гэрэлдэ нэгэ нэгээр хаража һуутараа, Гэндэнэй Заяаханда бэшэһэн бэшэг оложорхёод, задалагдаагүй байхадань, ехэтэ гайхаба (Ц.-Д. Хамаев).