ОНГОСО

юум. н. 1) жолбогор түхэлтэй, хоёр һэлюуртэй, һэлюурээрнь һэлюурдэн уһан дээгүүр тамарха түхеэрэлгэ (лодка): Онгосо саашалха бүреэ бага боло болоһоор, нэлэнхы уһан дайдын хурса гэрэл соо шунгашаһан юумэдэл, далда оробо (Ц.-Ж. Жимбиев); ууралта онгосо ууралаар ябадаг тамарха түхеэрэлгэ (пароход): Ууралта онгосоор, гурбан зэргэшээ морёор ябахада, газар дүтэшье, бэедэ амаршье юм байгаа (Ч. Цыдендамбаев); 2) хэмэл одон (воздушное судно, корабль); агаарай онгосо агаарта дэгдэн ябадаг хүнүүдые болон ашаа зѳѳдэг машина (самолёт; вертолёт): Агаарай онгосо дэгдэжэ, Гульнара үдэшэгшэдэй дунда даллаһаар гээгдэбэ (Д.-Д. Дугаров); замбуулинай (гү, али одон) онгосо замбуулинда дэгдэн гарадаг, Газар тойрон, мүн бусадшье түби дэлхэй гү, али одонуудта ниидэн ошодог оньһон түхеэрэлгэ (космический корабль): Замбуулинай онгосонууд час хахад соо бүмбэрсэг дэлхэйе тойрожорхихо (С. Цырендоржиев); 3) үбэлэй сагта соолго болон худагай дэргэдэ мүльһэ сабшажа гаргаһан хобоо, мүн модо түнхижэ хэһэн мал уһалдаг ба эдеэлүүлдэг ута модон амһарта (колода у колодца, проруби; кормушка); 4) бүд нэхэдэг гү, али оёдолой машинын оньһон (челнок); 5) мотоциклай баруун талада шагтагалагдадаг нэгэ мѳѳртэй тэргэ (мотоциклетная коляска): Хорло тэрээндэ юуб даа хэлэхэ гэһэн аад, онгосотой мотоциклтай Дугар бригадирай хорёо руу ороходонь абяа гарабагүй (Г.-Д. Дамбаев).