ОМОГТОЙГООР

наречи 1) бахатайгаар, сэдьхэлээ ханангяар, баяртайгаар (гордо, с гордостью): Илалта туйлаһан залуу капитан аргагүй омогтойгоор Самбуугай эжы тээшэ харан хэлэбэ (Ж. Тумунов); 2) бардамаар, ехэрхүүгээр, ёhорхожо (важно, надменно): – Энээниие уншажархи! – гэжэ Гомбо шангаар хэлээд, үнѳѳхи газетээ хармаанһаа гаргажа, үнѳѳ Дэлэгэй баригдаһан тухай зүйлые омогтойгоор заагаад, Ёндондо үгэнэ (Ц. Дон); 3) урматайгаар, обтойгоор, согтойгоор, залитайгаар, абьяастайгаар (воодушевлённо, бодро, энергично): Хоёр хүбүүд мориндоо мордожо, моридыень хүтэлѳѳд, үхэрнүүдыень нэрхирсэ үлдѳѳд, омогтойгоор дуу дуулалдаад, ябажа үгэнэ (Х. Намсараев).