ОКЕАН

юум. н. далай, бүмбэрсэг дэлхэйн ехэнхи хубиие эзэлһэн ехэ уһан (океан): – Атлантиин океан дээрэ голложо һуугаад, алишье талаараа бурханда газаашалуулаагүй арюун уг гарбалтай бидэнэрэй һудаһан соогуур кельт, роман, саксон, скандинав ба норман шуһанууд холилдон, үсэд зан, эсэшэгүй шадал бидэнэртэ үгѳѳ (Д. Батожабай); океан далай бүмбэрсэг дэлхэйн ехэнхи хубиие эзэлһэн ехэ уһан (океан): Москва, Ленинградһаашье бэшэ, ойро дүтын орон гүрэнүүдһээшье бэшэ, аяар океан далайн саанаһаа ерэһэн, үнэхѳѳрѳѳшье холын айлшан даа (Б. Мунгонов).