ОЙМОХО

үйлэ ү. 1) уһан соогуур ябаха, ябагаар уһа гаталха, уламаар уһа гаталха (брести по воде, переходить вброд): Тиихэдэнь жолоошон буужа, шэрэжэ ябаһан хооһон бидонуудаа хоёр-гурбаар барин, ута түриитэй резинэ сабхяараа уһан соогуур оймобо (Ц.-Ж. Жимбиев); уһа ойможо гараха ябагаар уһа гаталха (переходить реку вброд): Алтан намарай нэгэ үдэр Танияа мориндоо мордуулаад, ѳѳрѳѳ хүл нюсэгѳѳр хүйтэн уһа ойможо гараашаяа тэрэ һанана (Д.-Д. Дугаров); саһа (гү, али саһан соогуур) оймохо хүр саһа арай гэжэ гаталха, дабаха, махаха, ехэ саһатай газараар ябаха (пробираться с трудом через сугробы): Шэрүүн саһа ойможо, елүүр дээгүүр халтиржа, үдэрѳѳ бараһан малнууд үлэн хооһон бусаба (Ч. Цыдендамбаев); Энээгүүр бэлшэн ябаһан һүрэг хонид хүр саһан соогуур оймон, ондого сондого харайлдан, унажа бодожо ябаад лэ тэдээн тээшэ гүйлдэбэ (Ц.-Ж. Жимбиев); 2) шэлж. умбаха, шунгаха, хэмгүй ехэ юумэтэй байха (утопать): ехэ мүнгэн соо оймохо; 3) шэлж. ямар нэгэн бэрхэшээл дабажа гараха, гаталха (пройти, преодолевать): Хубита баабай та бидэ хоёр хуушанай барга балар сагта түрѳѳд, тэрэ сагай харанхы соогуур ойможо гараһан байнамди (Х. Намсараев); 4) баруун бур. уһанда тамарха, шунгаха (купаться, плавать): уһанда оймохо; 5) эхир. уһа булангиртуулха (мутить воду).