ОЙЛГОМЖО

юум. н. 1) алибаа юумэнэй гол шэнжэнүүдыень, мүн ондоо юумэнүүдһээ илгардаг шэнжэнүүдыень заадаг бодол, ямар нэгэн юумэн тухай юрэнхы бодол (понятие): Авторай һанамжаар, түлэбэй иимэ ойлгомжо имагтал һургуулида хэрэглэмээр, харин научна шэнжэлгэнүүдтэ энээнэй элдэб ондоо байхань дамжаггүй гэнэ (П. Дашинимаева); 2) ухамайлха шадабари, шадал, һубэлгэн ухаан (понятливость): ойлгомжо һайтай хүбүүн; 3) мэдэжэ абагдаха боломжо (понятность): Энэ ойлгомжо муутай үгүүлбэри яажашье оршуулжа шаданагүйб; 4) һанал, һанамжа, үзэл, хараа бодол (точка зрения, мнение): Тэрэнэй ойлгомжоор, энэ үгэ ямаршье үгын орлогшо байжа шадаха гэнэ бшуу (В. Рассадин).