ОЙЛГОЛТО

юум. н. 1) хадуулга, ой ухаандаа оруулга, багтаалга, ойлгодог байлга (понимание): – Иимэ ушарта ѳѳрын һуури байдал, амидаралда ѳѳрын ойлголто ба зориг гээшэ мүнѳѳнэй шэнэ загбар болон урасхалнуудһаа шухала юм, – гэжэ Алексей Цыденов хэлээ (Б. Гындынцыренов); 2) алибаа юумэнэй гол шэнжэнүүдыень, мүн ондоо юумэнүүдһээ илгардаг шэнжэнүүдыень заадаг бодол, ямар нэгэн юумэн тухай юрэнхы бодол (понятие): Сагай сахариг түргэн лэ эрьедэг болоһон шэнги, тэрэнэй эрьесэ бүхэнтэй оршон тойронхи байдалнай хубилан хүгжэнэ, тиихэдэнь шэнэ ойлголто, мэдэлгэ бии боложо, шэнэ үгэнүүд мүндэлнэ (buryadxelen.com).