ОДХОН

1. тэмд. н. айлай үхибүүдэй эгээ дүүнь, багань (младший): Баяраа мэдүүлэн, пенсииеш үгѳѳд ошоходонь, хѳѳршѳѳн, бэришээн хойноһоонь харанаш, одхон намаяа һанаандаа оруулан, һаршагануур саарһаа эльбэн, энхэрэн, сээжэдээ даханаш (З. Гомбожабай); одхон хүбүүн түрэһэн аха дүүнэрэй эгээ дүүнь (младший сын): Одхон хүбүүниинь хүнэй һонирхохоор бэшэ, хүнэй энеэхээр гү, али сухалдахаар юумэнүүдые хэлэхэ (Ц.-Ж. Жимбиев); одхон басаган (гү, али үхин) эгээ һүүлдэ түрэһэн басаган (младшая дочь): Тарган шара hамганиинь одхон басагантаяа эдеэлжэ hууhанаа бодожо, үбгэндѳѳ лабшаатай шүлэ табаг соо хэбэ (Г.-Д. Дамбаев); Гансал одхон үхиеэ юунһээшье үлүүдэ тоолодог байһыень һаалишад тухайлжа болохол (Ц.-Ж. Жимбиев); одхон хүрьгэн эгээ бага басаганай нүхэр (муж младшей дочери): – Харана гүш, энэ залуу, энэ Аюуша Цыденов гэдэг боксёр хадаа минии одхон хүрьгэн юм! (С. Цырендоржиев); одхон бэри эгээ бага хүбүүнэй һамган (младшая невестка): Одхон бэримнай Түнхэнэй; 2. юум. н. айлай үхибүүдэй эгээ дүү хүбүүн гү, али басаган (младший сын или дочь): Эхэнь одхон тээшээ сухалтайгаар хараад, тоомтой һуугаарай гэһэн тэмдэг үгѳѳд, үгэлнэ (Ц.-Ж. Жимбиев).