ОДОО

наречи 1) мүнѳѳ, энэ гэһээр, энэ сагта, үйлэ хэрэгэй боложо байhан саг хугасаанда (теперь, ныне, в настоящее время): Одоо тиимэ илдамаар хараһан урихан сэлмэг шарайтай эхэнэрые үсѳѳн хараһанаа мэдэрнэб (З. Гомбожабай); одоо мүнѳѳ яг энэ сагта, энэ агшан зуура (именно сейчас, в данный момент): Одоо мүнѳѳ Ринчин Тамарые ёһото эрын нюдѳѳр сэгнэжэ, үүлэ манан сооһоо урган гарашаһан үльгэрэй хүүхэн мэтээр хараадхиба (С. Цырендоржиев); одоо хүрэтэр энэ хүрэтэр, энэ үе хүрэтэр, энэ үдэр болотор (до сих пор, доныне): Тэрээниие Балжааһаа халта мүлтэ дуулаһаншье байгаа һаа, ушарыень одоо хүрэтэр гүйсэд мэдээгүй ябаһан аад, һая мэдэхэдээ, Гомбын хороо бусалха, зэбүүрхэнь улам хүсэтэй болобо (Ц. Дон); одоо һаяхан мэнэ һая, тон һаяхан (только сейчас): Энэ хѳѳрэлдэгшэ хүнэйнгѳѳ Николай Бестужев бэшэ байһандань Доржо одоо һаяхан этигэбэ (Ч. Цыдендамбаев); 2) шангадх. нээрээһээ, тон (в самом деле, совсем): Сэхыень хэлэхэдэ, Аюушын хэһэн бууза одоо амтатай, хэһэн саладтань Мухани мүн лэ дуратай (С. Цырендоржиев).