НЯГТАРХА

үйлэ ү. 1) шэгжүүн, хатуу болохо, бүхэжэхэ (уплотняться, утрамбовываться, становиться прочным): Нягтаржа шэрүүбтэр болоһон саһан хүл доронь шар-шар сарьяна, харгын хажуугаар харахадань, тунга саһанай хамхарууд наранай туяада аниб-аниб ялалзан, нюдэ ялбамаар байна (Ц. Дон); Мүнѳѳ искусствын, ажахын болон ажаһуудалай талаар бусад монголшуудаараа харилсаамнай улам нягтаржа, монгол хэлэ хэрэглэхэ эрхэ нүхэсэл үргэдэнэ (Л. Шагдаров); 2) эбтэй, эб нэгэн байха, нэгэн һаналтай байха (быть сплочённым): Бахатай шангаар адхалсан, бодожо эбтэй нягтараа (Ц.-Ж. Жимбиев); 3) нарин, жэншэдгүй байха (быть тщательным).