НЮУЛСАХА

үйлэ ү., хамтадх. залог 1) далдалхада хабаадалсаха, хамта далдалха (помогать прятать, вместе прятать): бэһэлиг нюулсажа наадаха; 2) ондоо хүнэй нюусые хадагалха (хранить чью-л. тайну): – Хэлэхээ яагаабта, юундэ мүнѳѳ болотор абяагүй байгаабта? – гэжэ Жалма абгай Шойдог ламбагайда оробо. – Тэдэнээр адли болоод нюулсажа байна гээшэ гүт! (Д. Эрдынеев); бэе бэеһээ нэгэшье нюулсахагүй бэе бэедээ үнэн сэхээр хандаха, үнэниинь хэлэхэ (ничего не скрывать друг от друга): Цыремпил Пётр хоёр … бэе бэеһээ нэгэшье нюулсахагүй, бултыень хѳѳрэлдэжэ мэдэлсэһэн байдаг – эгээл иимэ инаг хоёр нүхэд байгаа юм (Х. Намсараев).