НЮУГААТАЙ

, нюугдаатай тэмд. н. далдалагдаһан, хадагалагдаһан, хадагалаатай (спрятанный, скрытый, затаённый): Харин газар доро нюугаатай алта бэдэрхэдэ, аюул горитой байхаяа һанадаг (Ц. Цырендоржиев); Тиигээд басаган шүдэеэ зуужа, бүхы хүсэ шадалаа дууһыень шабхан, ямаршьеб нэгэ нюугдаатай байһан шүрбэһэ шандааһанай аша туһаар арайхан гэжэ хонидойнгоо урдань оробо (Ц.-Ж. Жимбиев); нюугаатай мэдэрэл хэндэшье хэлэгдээгүй, мэдэгдээгүй мэдэрэл (потаённое, сокровенное чувство): Үншэн хабһанайм оёорто нюугаатай үншэрһэн мэдэрэлни аяар дороһоо огло татагдажа, гашуун урасхал гаргаһан нёлбоһон боложо монсогойрбо (Ц.-Д. Хамаев).