НЮЛА

шангадх. ү. таһа, оройдонь, огтолон (совсем, начисто): үбһэ нюла сабшаха; нюла-нюла нюһаяа татаха шурхиран, шууяса нюһаяа татаха (смачно швыркать носом): …молһогор улаан хүбүүн доодо уралаа һанжуулжархёод, нюла нюла нюһаяа татан, үргэлжэ шииганажа, янзагүй һолигор юумэ, хюмһаяа шэмхэлэн һууна (Х. Намсараев); нюла-нюла аршаха пүлшэгэнэн аршаха (вытирать с хлюпаньем): Бадма абгай, хоймортоо ехэл хүлэрэнхэй, нэгэ муухай натагар хара пулаад үбэрһѳѳ гаргаад, хүлһэеэ нюла-нюла аршан һууна (Х. Намсараев); нюла-шула наншалдаха таһа, нюлгартар, шулгартар сохилдохо (драться до крови): …нюдаргаа зангидан, нюла-шула наншалдаба (Ж. Балданжабон); нюла-нюла гүйхэ шал-шал гүүлэн гүйхэ (бегать, шлёпая ногами): Шэнээргэ хүхэ бүд тэрлигтэй, хуушаарга хилэн малгай хойношог үмдэһэн, табяад тойрон наһатай тарган улаагша һамган, ехэ баяртай хэбэртэй, үргэлжэ энеэбхилэн, гэр сарай хоёройнгоо хоорондо нюла нюла һэлхэр-һэлхэр гүйнэ (Х. Намсараев); нюла-нюла хараха шэлж. байд-байд гээд һулаар хараха (вяло, неохотно смотреть): Тиихынгээ забһарта һалгай гарайнгаа сарбуудахи часы нюла-нюла харана (Ц. Дон).