НЭЭМЭЛ

тэмд. н. 1) онгойһон, сэлигдэнхэй (открытый): Залуухан нарһадшье нээмэл сонхонуудаар гайхангяар шагаан харана (Ж. Балданжабон); нээмэл үүдэнэй үдэр ехэнхидээ ямар нэгэ һуралсалай газар ерэжэ доторхи байдалтайнь танилсаха аргатай үдэр (день открытых дверей): Буряад уласай индустриальна техникумай дэргэдэ эхэ эсэгын харууһагүй, үншэн хүүгэдэй эмхинүүдэй хүмүүжүүлэгшэдтэ «Нээмэл үүдэнэй үдэр» гээд хэмжээ ябуулга үнгэргэбэ (Буряад Yнэнһѳѳ); 2) олоной хабаадалгатайгаар, олоной дуунда табигдаһан, нюуса далдагүй, эли (открытый, публичный): Мүнѳѳдэр манай нээмэл хэшээлдэ хүндэтэ айлшад ерэнхэй (infourok.ru); 3) үнэн сэхэ, нюусагүй, сэхэеэ хэлэһэн (искренний, прямой): Иигээд байхадаа хамагаа хуу хэлсэжэ, ойронь ябаһан нээмэл дэлгэр зантай Лёва Толстой бэшэ, харин … дворянин Лев Николаевич Толстой болошобо (Ч. Цыдендамбаев); 4) газар доро ехэ оронгүй, сэхэ аргаар (открытый): нээмэл аргаар шулуу нүүрһэ малтаха.