НЭТЭРХЭ

үйлэ ү. 1) даамайгаар хэхэ, оролдохо, шунаха, һалан һандангүй байха (быть настойчивым, упорным, упорствовать): Энэ мори һургахын түлѳѳ хэды дахин бэе мүсынгѳѳ хүхэ бала болотор унажа дуһажа ябаад, нэтэр нэтэрһээр лэ һүүлдэ бэе бэеэ ойлголсохо болобо ха юмта (Ц. Шагжин); 2) хэтэрхэ, үлүүдэхэ, үлүү аашалха, убайгүйдэхэ, һэнгэргүй болохо (зарваться, зайти слишком далеко, не знать меры, наглеть): Финансын министр Виттын толгой дээгүүр, нэтэржэ ерэхэдээ, ѳѳрѳѳ сэхэ императорта элидхэл бэшэдэг болобо (Д. Батожабай); ◊ нэгэндээ нэтэрхэ үлүү аашалха, убайгүйдэхэ, һэнгэргүй болохо (не знать меры, наглеть): Нүгэл, бурханшье гэжэ мэдэхэгүй, архи уужа, нэгэндээ нэтэрһэн золигууд! (Б. Мунгонов); 3) доройтохо, хүн дүрсэеэ алдаха, ариг сэбэр, сэсэгэр һэргэлэн ябахаяа болишохо (опускаться, переставать следить за собой): Үтэлжэ нэтэрхэдэмнай хэн харууһалха гээшэб гэжэ бидэ хоёр үдэр бүри иигэжэ уйлалдадаг зомди (Ф. Цыденжапов); ◊ нэхыгээ хэдэрхэ, нэгэндээ нэтэрхэ доройтохо, юрэдѳѳ болихо, юумэ хэхэеэ болихо (опускаться): Шэмээшэг һамганай орхиһон үхибүү тэжээжэ, томо болгоходоо, Дулгуудаймнай нэхыгээ хэдэржэ, нэгэндээ нэтэрээ гээшэ ха гэжэ зарим нэгэн … хожом газаа хаюулаад хэбтэхэдээ, одоол ухаа ороно ааб даа гэжэ һанаагаа тэгшэлээ (Ц.-Д. Хамаев).