НЭТЭРҮҮ

тэмд. н. 1) үсэд, сүхэрэлтэгүй, һанаһанаа табихагүй, нэтэ (упорный, настойчивый, напористый): Сукоев һураһан асуудалаа эсэстэнь хүргѳѳгүйдѳѳ болидоггүй нилээд нэтэрүү хүн һэн (Ж. Тумунов); нэтэрүү бэрхэ шадамар, ажалша, һанаһанаа табихагүй, дүйтэй, солбон (настойчивый и умелый): Манай басаган тухай газетэдэ бэшээ, эсэгэеэ һажаажа, нэтэрүү бэрхэ басаган боложо ябана (Ц. Шагжин); нэтэрүү үсэдѳѳр сүхэрэлтэгүйгѳѳр, зоригтойгоор (упорно, настойчиво): Үхэр хара шулуунууд, ябаган хушанууд, дархи нүүлэнүүд, унанги модонууд гэхэ мэтын бэрхэшээлнүүдые манай аяншад нэтэрүү үсэдѳѳр дабажа гарана (Б. Мунгонов); 2) һалаха һандахагүй, болихогүй (назойливый, неотвязный): Залуу наһанай аляа хүхюу хаһа үни заяанай мартагдаа гэжэ һанахадань, үгы даа, нэтэрүү Яабагшан хажуугаарнь батаганаан мэтэ һииганажа һалахагүй бшуу (М. Осодоев); ○ нэхы, үсэд гэжэ үгэнүүдтэй парн. хэрэгл.