НОЙРМОГЛОХО

үйлэ ү. 1) һэрижэ ядаха, нойр дундаа дуугарха (говорить, бредить во сне): – Нойрмогложо хэбтэнэ гүш, Мишка? (А. Шадаев); 2) унтаха, нойртоо диилдэхэ (дремать, иметь сонный вид, быть заспанным): Тагарай арада һууһан Норсон ута харгыда хашаршоод, һуумгашаа нойрмоглон дохижо ябатараа, тэргын сахаригай хонхосог соогуур гарахадань сошожо, нюдѳѳ нээбэ (Б. Мунгонов); нойрмогложо байһан инаг дуран мартантаһан, мартагдаһан, унтарһан инаг дуран (дремавшая, позабытая любовь): Үнэндѳѳ мүнѳѳ болотор нойрмогложо байһан инаг дурыень Суранзан гэнтэ һэрюулжэ, эдир залуу наһыень һануулдаг болонхой байгаа һэн (Ж. Балданжабон).