НИНМАВА

юум. н., будд. Түбэдтэ эгээл түрүүн гэхэ гү, али 8 зуун жэлдэ бии болоһон буддын шажанай нэгэ аймаг. Нинмава аймагайхид имагтал улаан хубсаһа үмдэдэг ушарһаа «Улаанай шажан» гэжэ алдаршаһан. Эдэнэр Махаянын нэгэ шухала һалбари болохо тарниин хүлгэниие (тантризмые) гол һургаал болгодог. Тэрэ дотороо 9 бүлэг боложо хубаардаг, бүлэг бүхэниинь ѳѳрын, бусадһаа ондоо номуудта шүтэдэг. Зарим бүлэгэйхидынь 7, 5, 3, 1 дахин хубилжа түрѳѳд гү, али үхэжэ байхадаа, будда болодог. Харин ати-йогу гэжэ бүлэгэйхид энэл наһандаа бурхан болохо аргатай гэдэг (ньинма, ньингмапа, буддийская школа, возникшая в Тибете в в.).