НИИЛЭЛДЭХЭ

үйлэ ү., угталд. залог хамтарха, холбогдохо, холисолдохо (соединяться, сливаться): Эдэнэр гансаараа хэрэглэгдэдэггүй, харин заабол ямар нэгэн тэмдэгэй нэрэтэй гү, али дайбар үгэтэй хэрэглэгдэдэг тулань, эдэниие ниилэлдэжэ байгаа үгэдэ хабаадуулбал зохистой шэнги (Ц. Бальжинимаева); ниилэлдэһэн орёо мэдүүлэл хэлэ шэнж. удаа дараалһан удхатай хоёр бэеэ дааһан, ѳѳрын грамматическа һууринуудтай бүридэмэл мэдүүлэл (сложносочинённое предложение).