НАМАРЖАХА

үйлэ ү. 1) намарай болохо, намар тээшэ болохо (наступать – об осени): Бага үдэ шахажа, намаржаха тээшээ боложо байһан сагай сахир сагаан наран огторгойн орьёл ѳѳдэ дабшан хѳѳрэн байна (Х. Намсараев); 2) намарые үнгэргэхэ, намар үнгэртэр нэгэ газартаа байха (проводить осень): Энээндэ урмашаһан адуушад «Аятайл газар намаржаха һэн байнабди. Адуумнайшье улам таргалха» гэлсэн хѳѳрэлдэжэ, үглѳѳнэйнгѳѳ сайе яаралгүй уужа һуугаа һэн (Д.-Д. Дугаров).