НАЛАРХАЙ I

тэмд. н. 1) зулгы, урин, илдам, зохид, налгай, найртай (обходительный, приветливый, ласковый, милый): Би ѳѳрѳѳл ѳѳдэгүй ахир хадаа ябахыень мэдэжэ байгаад, инаг дуранай дулаахан харасаар урдаһаань харангүй, гансаханшье налархай үгэ хэлэнгүй һалаба гээшэб (Ц.-Д. Хамаев); налархай урин (гү, али илдам) зулгы, налгай, илдам (ласковый, милый): Оройхон орожо ерээшыемни хүлисэхэ бэзэ гэжэ танай налархай урин сэдьхэлдэ найданаб (Ч. Цыдендамбаев); Алексей Григорьевич Угрюмов бага-сага ама халамгай үедѳѳ нүхэдтѳѳ ехэл эмээхэй, нүхэдэйнгѳѳ хэлээдүй һаналые уридлан таадаг, налархай илдам байдаг юм (Ч. Цыдендамбаев); налархай найртайгаар (гү, али зохидоор) урин зулгыгаар, нааршаан (дружелюбно, мило): Тиихэдэнь тэрэ хүбүүн урдаһаань баһал налархай найртайгаар энеэбхилэн һуужа … нюураа эльбэн һууна (Х. Намсараев); Шарууе һэмээхэн адаглаад үзэхэдэнь, ямаршье захяа даабари үгэхэ хэбэргүй, гэртэ тамхилжа һууһан хэды үбгэдтэй налархай зохидоор хѳѳрэлдѳѳд, байдал һуудалаарнь һонирхобо (М. Осодоев); ○ нялуун, урин гэжэ үгэнүүдтэй парн. хэрэгл.