НАЙРЛАХА I

үйлэ ү. 1) зугаалха, хүхихэ, найр зугаа үнгэргэхэ, тэмдэглэхэ (веселиться, пировать, отмечать какое-л. торжество): Дүрбүүлэн столдо һуужа, бага наһанайнгаа, суг һурадаг үеынгѳѳ элдэб энеэдэтэй ушаралнуудые дурдан байжа найрлабад (С. Цырендоржиев); найрлаха налайха хүхихэ зугаалха (веселиться, пировать): – Найрлаад налайгаад, уугаад эдеэд тарая, – гэхэдэнь, гэр дотор хүүежэ хүрьежэ байһанаа гансата абяа аниргүй болон замхашана (Х. Намсараев); түрэ хурим найрлаха хурим түрэ хэхэ, хуримнаха (играть свадьбу): Удангүй гэр мал болохош, тиигээд түрэ хурим найрлаха зон бэшэ гүбди? (Ц.-Ж. Жимбиев); түрэһэн үдэр найрлаха түрэһэн үдэрэй баярые тэмдэглэхэ, үнгэргэхэ (праздновать, отмечать день рождения): Энэ юрын ажалша малша эхэнэрэй түрэһэн үдэрые найрлажа байһантнай болоо (Ц.-Ж. Жимбиев); ○ наадаха гэжэ үгэтэй парн. хэрэгл.