МЯХАНАЙ

тэмд. н. мяханда хабаатай, мяхаар хэһэн (мясной): Мяханай совхоз үбһэ хуряалгаяа болзорһоонь хожомдуулаашье һаа, малдаа хүрэхэ үбһэ тэжээл бэлэдхэжэ шадаха (Ж. Тумунов); мяханай консервэ мяха гутахагүйгѳѳр дараһан эдеэ хоолой зүйл (мясные консервы): Гэрэй эзэн столдо голложо һуунхай, мяханай консервэтэй суг шарагдаһан хартаабха амтархан эдинэ, сухаари харшаганатар жажална (В. Гармаев); мяханай наймаашан мяха худалдадаг хүн (мясник, продавец мяса): Теэд тэрэнь нэгэшье хүнѳѳр хѳѳрэлдэдэггүй, үдэртѳѳ гуйраншалжа олоһон зэдээрээ мяханай наймаашанһаа яһа худалдажа абаад, гэртээ байдаг байба (Д. Батожабай); мяханай мал мяха абахын тула үдхэгдэдэг мал (мясной скот); ◊ (шуһа) мяханай таһардаһан түрэһэн үхибүүн, үри бэе (родной ребёнок): Муу hайншье hаамни, тэдэшни минии мяханай таһардаһанууд ха юм (С. Цырендоржиев); Иигэжэ нэгэ эхэhээ гараhан минии шуhа мяханай таhардаhан, Хорхоног дарханай хүбүүнэй хүбүүн – хоёрдохи Бальжинимамнай хүн боложо, хүлѳѳ шоройдожо ябаха хуби талаангүй байгаад… (Б. Мунгонов); мяхани үһээ августын һүүлээр, сентябриин эхиндэ ородог хура бороогой үе (период в конце августа – начале сентября, когда начинают улетать птицы): Мяхани үhээни хура захалаа, намар ойртожойна.