МЯНГА(Н)

(н) тоог. н., тоол. 1) 999, 1001 тоонуудай хоорондохи тоогой нэрэ, арбан зуун (тысяча): – Бадма-Базар ахай, гансахан мянган тоотой энэ номни аймшагтай түргѳѳр таража байна (Б.-Б. Намсарайн); мянган мотортой Арьяа-Баала будд. мянган гартай Арьяа-Баала бурхан (1000-рукий Арьябала); мянган тахил будд. үбэл болодог зулын хуралай үедэ бадаруулагдадаг мянган зула, тахилай шэрээһээ эхилээд дасанай орохо үүдэн хүрэтэр шэрээнүүдтэ табигдадаг (тысячи лампад); мянган Санжод молом будд. Санжод Молом эжэ нэрэтэй мянга дахин уншуулдаг ном (тысячекратное чтение сочинения Санжод молом); мянган Сэдэд будд. Сагаан шүхэртэ гэжэ номые мянга уншахые хэлэнэ. Бурхан багша 33 тэнгэриин орондо заларжа байхадаа, эгээн түрүүн Сагаан шүхэртые номлоо; энэ номые хара сагаан хэлэ ама, сагаан улаан хорото эдеэнэй бузар, хэжэг үбшэн, ада зэдхэр оршохо сагта уншуулдаг (тысячекратное чтение сочинения «Белозонтичный»); мянган сагаан, ногоон Дара эхэ будд. Дара эхын номые 1000 дахин уншахые хэлэнэ (тысячи Дара-Эхэ); 2. наречи элирхэй бэшэ олон, маша олон, тоо томшогүй олон (очень много): – Мүнѳѳмнай тиимэ саг болошоо гүб даа, – гэжэ һамганиинь Нимын хэдэн үгын урдаһаа мянган үгэ хүүр турьяба (Г. Дашабылов); хара мянган үй түмэн, тоогүй олон, тоо томшогүй, хара торюун (тьма-тьмущая, неисчислимое множество): – Ши ѳѳрѳѳ ойлгоно ха юмши – хүдэлхэ мэргэжэлшьегүй, хара мянган дахуултай, тэжээбэритэй (К. Цыденов); хара мянгаараа тоогүй олоороо, үй түмэн (видимо-невидимо): Далияа нэбтэ норошоһон борбилоонууд гэрэй орой дээгүүр, хашаа хорёо дээгүүр хара мянгаараа сугларшоод, хоорондоо ямар нэгэ юумэ зүбшэһэндэл, забһаргүй пишаганалдан, наранда аярхан һуунад (Ц.-Д. Хамаев); мянга түмэн үй түмэн (бесчисленное количество): Намжалай дахин дээшээ харахадань, мүнѳѳхи хүреэтэһэн арбан табанай һарын ялагар толи, мянга түмэн мүшэд байрадаа, Намжалай мэхэлүүлшэһые наада хараһандал, энеэбхилэлдэн, эмнилдэн байна (К. Цыденов); мянгашье дахин хэдышье дахин (хоть тысячу раз): Намайе мянгашье дахин уряа һааш ошохогүйб (Ц. Шагжин); мянга хэлэхэ оло дахин хэлэһэнээ дабтаха (повторять многократно): Паспортаа бү мартаарай гэжэ мянга хэлээб; мянга дуудуулха оло дахин дуудуулха (заставлять звать себя много раз): Мянга дуудуулаагүй хадаа ерэхэгүй, ямар һонин хүн гээшэб; мянга гүйхэ хоёр тээшээ орон гаран гүйхэ (бегать туда-сюда).