МЭХЭЛХЭ

үйлэ ү. худалаар хэлэхэ, буруу ойлгуулха, хуураха, башалха (обманывать, надувать): Сэрэнцүү наһан соогоо хүниие мэхэлжэ үзѳѳгүй аад лэ, энэ мүнѳѳ түрэһэн хүбүүндээ худалаар хэлэхэ баатай болоод байхадаа, аманһаань нэгэшье үгэ гарабагүй (Ц.-Ж. Жимбиев); мэхэлһэн хэлсээн луйбардаһан хэлсээн (мошенническая сделка); бэеэ мэхэлхэ хүсэһэнѳѳ үнэн гэжэ харуулха эрмэлзэлгэ (самообман): Наһан соогоо бэеэ мэхэлжэ, дурагүй хүнтэеэ һууха гээшэ ямар хэсүүб? (Д. Доржиева); хууран мэхэлхэ худалаар хэлэхэ, башалха (обманывать, надувать): Эндэ тэндэ хубилгаашуул зониие хууран мэхэлнэ гэжэ дуулдадаг болобо (Ц.-Ж. Жимбиев); мэхэлэн тѳѳрюулхэ эндүүрүүлхэ, һамаргаха (мистифицировать).