МҮРТѲѲ

ѳѳ 1. наречи зуура, ябууд дундаа, нэгэ сагта, нэгэ зэргэ, нэгэ доро, ябангаа (мимоходом, попутно, по дороге): Должон гурбадахи һаалида ошохоёо яарабашье, мүртѳѳ Балжаагай хажууда байжа, дуугаралсаад ошохо гэжэ ара талаһаань һэмээхэн ерэбэ (Ц. Дон); Хажуудаа обоолһон шулуунуудһаа нэгэ монсогорые һэмээхэн гартаа абаха мүртѳѳ бүхы шадалаа эршэдхэн шэдэжэрхибэ (Д. Батожабай); тииһэн (гү, али тиихэ, тиигэхэ, тэрэ) мүртѳѳ тэрээнһээ гадна, тиихын хажуугаар (мало того, а ещё): – Тииһэн мүртѳѳ тудаагүйлби һалганаад (С. Доржиев); Тиихэ мүртѳѳ гэдэргэмни хэн нэгэн тушаажархюужан гэжэ гол таһа айдаг һэн (Б. Мунгонов); Нютагайнгаа эгээ бүхэриг шамбай, тиигэхэ мүртѳѳ модо дархалхадаа, гартаа дүйтэй табан хүбүүдые шэлэжэ абаад, палааха хюрѳѳдэхыень табиһан байгаа (М. Осодоев); Харин Алексей Угрюмовые эхэнэрнүүд шэг шарайгаар сэбэр һайхан хадань, тэрэ мүртѳѳ элбэг дэлбэг зѳѳритэй хадань ехэтэ сэгнэнэ (Ч. Цыдендамбаев); 2. холб. ү. 1) гэбэшье, гэн гэһээ, тиихэдэ, иигээд байхада (при этом, к тому же, кроме того): Тиигээд Таниин урда ошожо, хомхой мүртѳѳ үлдэшэһэн хүнэй наһан соогоо эдижэ үзѳѳгүй эдеэгээ амталһандал адляар, гарыень шоб байса таалаба (Ч. Цыдендамбаев); 2) гэбэшье һаа, байбашье (хотя, хоть и): Тэрэнь ялагад гэжэ харажархиһан мүртѳѳ, дуулаашагүй боложо, малтажал ябаба (К. Цыденов).