МУШХАЛАА

1. юум. н., хууш. хони ямаанай арһа мушхахада хэрэглэгдэдэг 30–40 см утатай, адаалхайгүй болотор зороһон модон (палочка для закручивания шкуры, кожемялка, закрутка): Эдэ арһад үглѳѳ мүнѳѳ мушхалааһаа мултаржа, утаариин нүхэн дээрэ шоройлдон зогсожо, аргалай хоншуухан үнэр шэнгээн абажа, элдүүреэ хүсэхэнь (Н. Очиров); мушхалаагай гасуу һүүдэр газарта зоогдоһон 80–90 сантиметр утатай гасуу. Нэгэ гасууда 3–4 арһа нэгэ доро мушхажа болохо юм (кол для закручивания шкуры): Эрэжэ, эрэжэ мушхалаагаарнь гасууда тэбхэдэнгүй орхиһон арһаниинь эрхэһэн тooлyyр шэнги һѳѳл сухалтайгаар угзагашан, һѳѳргѳѳ эбхэрнэ (Н. Очиров); мушхалаада оруулха (гү, али гаргаха) эдеэ оруулагдаад, бэлэн болоһон арһа гасуу, шэбхэ, мушхалаа гэхэ мэтэ хэрэгсэлнүүдые хэрэглэн мушхажа эхилхэ (начинать выделывать шкуру при помощи специальных приспособлений): …баһа айраг сагаагаар эдеэ хэжэ, тэрээнээ мушхалаада оруулжа, нэгэ хэды болоод мушхадаг байна (Х. Намсараев); 2. тэмд. н. эршэдэмэл, томомол, орёогдоһон, эмирһэн, буржагар (закрученный, вьющийся): …мантан томо заводуудай задарюун үндэр хоолойнуудһаа бушхаһан мушхалаа хара утаанууд хүндэ ашаа шэрэжэ ябаад, талын үргэндэ табигдаһан тэмээд мэтэ, номин тэнгэриин уужамда тэнигэр бардамаар таран бэлшэнэд (Ж. Тумунов); мушхалаа һахал эмирһэн һахал (закрученные усы).