МУХАРЮУХАЙ

1. юум. н. 1) зуураһан талха хабтагайлдаг монсогор модон (скалка): Галсан нэгэ станогой хажууда байгаад, мухарюухайдал адлирхуу юумэ мүлинэ (Н. Очиров); 2) шанаһан хартаабха нюхадаг монсогор модон (толкушка для толчения варёного картофеля); 2. тэмд. н. мухаридаг, хурдан, гүйдэлтэй (катящийся, лёгкий на ход – напр. о колёсном транспорте): Мухарюухай тэргэмнай Модон голой хүсэн лэ, Монсолзогшо бэемнай, Эжы абын аша лэ (Ц. Шагжин); Хори хүн ходорхой, хооһон хүнэг мухарюухай.