МАРТАГДАХА

үйлэ ү., хүлеэгд. залог ой ухаанһаа гараха (забываться, исчезать из памяти): Арайл үбгэниинь һамганайнгаа шэгшыдэшье хүрэхэгүй, ангашаһан зурагтал, холторшоһон һиилүүртэл, үнгэ дурһагүй түргѳѳр мартагдаха амитан байшоо (Ч. Цыдендамбаев); оро таһа мартагдаха ой ухаанһаа бүримүһэн гараха, огто гараха (напрочь забываться): Хэдэргын зэргэ нариихан зузууртай модон анзаһан оро таһа мартагдажа, олон зэргэлээ анзаһа шагтагалһан хүдэр трактор газарай хүрьһые урбуулна (Ж. Тумунов).