МААНИ

юум. н. 1) буддын шажанай мүргэлэй уншалга, бурхадые дуудан гуйһан, хэбшэһэн үгэнүүд, аманай уншалга (мани, молитва-заклинание, мантра): Хургануудайнгаа холотор маани уншажа, эсэтэрээ бурханда мүргэжэ, шүтэжэ һуухадаа, зарим нэгэн хойто наһандаа жаргахабди гэжэ найдадаг, этигэдэг байгаа (Ц. Шагжин); маани мэгзэм мүргэлэй уншалга (молитва): Маани мэгзэмээ уншагты, бурхан тэнгэреэ гуйгты, ами наһыень соёрхыт даа гэжэ, Байгал далайдаа, Ойхон ехэ баабайдаа зальбарагты (С. Доржиев); ногоон маани маргад шулуун (смарагд, изумруд); 2) агаарта хиидхүүлдэг маани барлагданхай тэбхэр бүд (флажок с мантрами): Эрдэни гулваагай ехэ модон гэрэй арада нэгэ бишыхан модон гэрэй үбэрѳѳр улаан, сагаан, ногоон бүдүүд дээрэ хара бэхээр барлаһан зэлэ маани һалхинда налбана, баһа тэндэ түлеэнэйнь хажууда хоёр хүн хуурсаг дархална (Х. Намсараев).