МААЖАХА

үйлэ ү. 1) зохолхыень болюулхын тула хюмһан гү, али хургаараа үрэхэ, һабардаха (чесать, царапать): Ажаглаад харахада, тэдэнэй зариманиинь хооллохо эдеэлхэ сагаа хүлеэжэ ядаһан, залхуурһан хэбэртэй, отог тээшээ харан зогсоно, толгойгоо маажана, һуняана (Ц. Дон); 2) тармуураар һамнаха, заһаха (оправлять, очесывать граблями): бухал маажаха; 3) хюһаха, шударха, хобхолхо (скрести): Энэ һуугааша хүгшэн бидэ хоёр ори гансахан хүбүүтэй һэмди, тэрэ горшоог маажажа байгааша эхэнэр манай бэримнай (Х. Намсараев).