ЛYНХЭГЭР

YНХЭГЭР тэмд. н. 1) гүнзэгы, оёоргүй, хүнды хооһон (глубокий, объёмистый): Онигорхон хоёр нюдэдынь лүнхэгэр хүхэ нүхэн соо байһан мэтэ, доро унаад, тэндэһээ залиржа байһан гал мэтэ һүлэмхихэнѳѳр хаража хэбтэбэ (Ц. Шагжин); лүнхэгэр малгай хонхогор, үндэр малгай (высокая шапка): Гэнтэ хуужагар шара полицейскэ бии болобо, тэрэ лүнхэгэр малгайнгаа шэгэбшые үргэн дээгүүрээ татаад, ута хара суба хэдэрэнхэй, резинэ шиидам баринхай юумэ ябана (Ц.-Ж. Жимбиев); лүнхэгэр ехэ тэнгэри зэнхэгэр, үндэр тэнгэри (бездонное небо): Үдын нара шатаашаһан лүнхэгэр ехэ тэнгэри доро дууран һажагша байгаалиие сошоожорхиһон энэ ооголоонһоо басаган сошожо, унашан алдаба (Б. Ябжанов); 2) бараан, харанхы, (тёмный, мрачный): Ногоон набшаһатай мододоор үүлэ татуулан, бэеэ орёоһон Монбижиин хэрэмэй башнинууд, моритоёо хатарһан шэгтээ орошохоор Гогенцоллернуудай музейн үргэн лүнхэгэр сонхонууд урдаһаань тулажа ерэбэ (Д. Батожабай); лүнхэгэр хара харанхы, набтайһан, дээрэһээ дараһан – үүлэн тухай (тёмный, нависший – о тучах): Yүлэнүүд лүнхэгэр хара шарайтай боложо, һүрѳѳтэйгѳѳр мушхаран орьёлон, арьяатан шэнгеэр архиран эрхирэн, Боргойн талын тэг дунда һуурижаһан Боргой һууринда дүтэлэн ерэбэ (Б. Мунгонов); Тойроод лүнхэгэр хара боложо баглайгаад, ойгуур байһан бургааһа юумэнүүд барбайн харлажа харагдана (Ц. Номтоев); 3) шэлж. хүлзэнги, барагар, уруу дуруу (мрачный, смотрящий исподлобья): Гэртэ ороходонь, столой саанаһаа урдаһаань нэгэ лүнхэгэр нюуртай хүн хаража байгаа.