КАРТОН

1. юум. н., ород хатуу зузаан саарһан, элдэб юумэ богсолходо, хайрсаг, номой гадар хэхэдэ имагтал хэрэглэгдэдэг (картон): Картон, консервын банкнууд, һолоомо тюглэдэг проволоко, талха саахарай хооһорһон мэшээгүүд – булта хэрэглэгдэжэ, нютагай уран гартайшуулай хүсѳѳр яларма толормо костюмууд бүтээгдэжэ, ямар ехэ баяр болодог һэм! (Б. Баторова); 2. тэмд. н. картоноор хэгдэһэн (картонный): Чепурин картон гадартай зузааншаг дэбтэр баринхай орожо ерэбэ (Б. Шойдоков).