ЗООГЛОХО

үйлэ ү. 1) эдихэ, ама хүрэхэ, хооллохо (отведывать, вкушать, кушать): Эрхим шанарай эдеэ хоол: бууза, хуушуур, лабшаа, саламаад гэхэ мэтын юумэнүүдые хэжэ зооглодог… (Ц.-Ж. Жимбиев); 2) шогл. үмхэхэ, хомхойгоор эдихэ, шоройлхо (уплетать): Һүүлшынь хониие гэдэһэн туламдаа зооглоһон, хатуу харыень мэдэрэлгүй болотороо залгиһан Дардай бѳѳдэ эшэхэ юумэн огтошье байхагүй (М. Осодоев).