ЗОНХИЛХО

үйлэ ү. 1) захирха, хэрэг ябуулха (приказывать, распоряжаться): – Столой дэргэдэ һууһан хойноо, хүн шэнгеэр һуугты, – гэжэ Семён тэдэниие зонхилбо (Ц. Шагжин); Эдеэнэй һүүлээр харуу һамган газаахи ажалаа зонхилхоёо, хүргэһэн мяхаяа эрьюулхэеэ гаража ошобо (Б. Санжин, Б. Дандарон); зонхилхо зандарха хашхаран захирха (командовать): Зонхилхо зандархын орондо хадаа болбол аргададаг, гуйдаг саг ерэшоо ха юм (С. Цырендоржиев); 2) хүтэлхэ, эрхилхэ, ударидаха (править, управлять): Бүхы Боохоной голые зонхилжо байһан Пирха тайшаа Маншуудые балай хэрэгсээжэ үгѳѳгүй (М. Осодоев); 3) ехэнхи хуби эзэлхэ, диилэхэ (быть ведущим, главенствующим): Энэ ушарта бүхы бэе махабадайшни хэлбэреэр, бүхы һанал бодолооршни гансал тэрэ зѳѳридэ эрмэлзэл зонхилхо зэргэтэй (Ц. Цырендоржиев).