ЗАХЯА

юум. н. 1) һургаал, заабари, гуйлта (наказ, поручение, просьба): Ойлгосотой, ямар һаймши даа, гэртээ айжа гуниржа һуухаһаа холо дээрэ, эрхэбэшэ ошохоб, эрхэбэшэ шиниингээ захяа дүүргэхэб (Г. Цыдынжапов); захяа заабари ямар нэгэ ажал яажа хэхэб гэжэ заалга (инструкция): Ажал хэрэгээрээ захяа заабари үгэнэ аабы гэһэншни, басагадай хажуугаар миил ябасагаажа, заримадыень худал үнѳѳр магтажа захалхал даа (М. Осодоев); захяа даабари (гү, али даалгабари) дүүргэхын түлѳѳ үгтэһэн хэрэг (наказ, поручение): Сэрэнцүү абгай эндэ ерэһэн шухала хэрэгээ шиидхээ болоходоо, һаалишан һамгадайнгаа захяа даабари дүүргэдэг заншалтай (Ц.-Ж. Жимбиев); Ямар һаймши даа, һанаха байха нүхэрэйнгѳѳ иимэ шухала захяа даалгабари абажа дүүргэхэһээ дээрэ жаргал намда энээнһээ урда тээ үзэгдѳѳгүй (Г. Цыдынжапов); һэргылһэн захяа һануулан хэлэлгэ (предупреждение): Иигээд яаха болооб гэжэ шэбшэхэ зуураа Таниин һэргылһэн захяае һанаандаа оруулна (Д.-Д. Дугаров); һүүлшын захяа ехэнхидээ наһа бараха дээрэ хэлэһэн һургаал (последний наказ, последняя воля): Эсэгынгээ һүүлшын захяагаар энэ ламые залажа асараабди (Б. Санжин, Б. Дандарон); 2) юумэ бүтээхын тула даабари (заказ): тусхай захяагаар оёгдоһон гутал; 3) зарлиг, захиралта (приказ, распоряжение): Ондоо отделениин зоотехнигэй тушаалда оро гэһэн захяа ерэһээр үнинэй һэн (А. Жамбалдоржиев).