ЗАХИХА

үйлэ ү. 1) заабари үгэхэ, һургаал, захяа хэлэхэ (давать поручение, наказывать): Горхоной дэргэдэ сай шанажа байхыень Чэмэдтээ захиһан туладаа Дарма хэрмэнэй мүр бэдэрхэеэ баруун хаяа зубшан бусажа ябаба (Д.-Д. Дугаров); Хүнүүдтэл атаархажа болохогүй, хүнүүдые хайрлажа, ядаһан хүнүүдтэ туһалжа ябаарай гэжэл захиха байнаб (Ц. Шагжин); 2) юумэ бүтээхын тула даабари үгэхэ, захил хэхэ (заказывать): Петровско заводто захижа, алта угаадаг машина шудхуулаа (Ч. Цыдендамбаев); захижа эзэлхэ, уридшалан захиха лаб абахаяа мэдүүлжэ орхюулха (бронировать, предварительно заказывать): Авиакомпани рейс бүхэндѳѳ хямда бүлэгэй (эконом-классай) салон соохи бүхы һууринуудай 30-һаа бага бэшэ хубииень тус программада хабаатай зондо хараалха ёһотой. Тиимэһээ хүнгэлэлтэтэй биледүүдые уридшалан захиха, эртээнһээ худалдажа абаха хэрэгтэй (Буряад Yнэнһѳѳ); хоол захиха мүнгэ түлэжэ бэлэн эдеэ асаруулха (заказывать еду): Сүлѳѳгүй байхадаа интернедээр хоол захяад эдихэдэ амар болоо; 3) урид мүнгѳѳ түлэжэ хэдэн хугасаагаар журнал сэдхүүл г.м. юумэ абахын түлѳѳ захяа хэхэ (заказывать, выписывать; подписываться на газету и т.п.): Тиихэдэ Бадма-Базар Намсараевич «Буряад үнэниие» жэл бүри хоёр хэhэгээр захижа абадаг (Ц. Номтоев).