ЗАНГИДАХА

үйлэ ү. 1) уяха, хүрмэхэ, шиилдэнхэйгээр уяха (завязывать узел, связывать узлом): Улаан торго зангидажа хэһэн барбагар эрбээхэй галстугынь Угрюмовые эрэ тахяагай шэнжэтэй болгоно (Ч. Цыдендамбаев); ◊ нюдаргаа зангидаха нюдаргаа шанга адхаха (сжимать кулаки): Хоёр гараа хэхэ газараа оложо ядаһандал, хармаан руугаа түлхеэд, бүдынь бажуулсан, нюдаргаа зангидаһамни оёдолоороо тэһэ һүрэшэхэдэл гэбэ (З. Гомбожабай); нидхэнүүдээ зангидаха хүмэдхѳѳ буулгаха, барайха (хмурить брови, хмуриться): Һууһан зоной араар үүдэн тээшэ нэтэрүүгээр дугташажа ябаһан Доржын хойноһоо ойлгожо ядангяар нидхэнүүдээ зангидан, Долгормаа шэртэнэ (А. Ангархаев); 2) хүсэлхэ, эршэлхэ, суглуулха (собирать, сосредоточить): Мэнэ мэнэ хажуудахи хүндѳѳ һүрэхѳѳр бэеэ зангидан зэһэшоод байна (Д.-Д. Дугаров); һүүлшын хүсэ (шадал) зангидаха бии үгы хүсэеэ суглуулха, шадалаараа болохо (собирать последние силы): Бидэнэр һүүлшынгээ хүсэ зангидажа, носожо байһан галһаа холо бэшэ хонхосог соо хоргодон хэбтэбэбди (Ц. Шагжин); Эзэн баабгай һүүлшынгээ хүсэ шадал зангидажа, нэгэ алхам, хоёр алхам, гурбан алхам урагшаа ябаба, тиигээд буудуулжа унахаһаа урид ута хоншоороороо газар нидхэрэн ѳѳрѳѳ унашаба (Б. Мунгонов); хоро үһѳѳгѳѳ зангидаха үһѳѳрхэхэ (гореть ненавистью): Хоро үһѳѳгѳѳ зангидаһан минии хамаг бэем халуу бусалжа, духаһаам хүйтэн хүлһэн дуһална (Ц.-Д. Хамаев).