ЗАЛУУ

1. тэмд. н. эдир наһанай, гүлмэр (юный, молодой): Бэеэ хүсэһэн, шэмэ шүүһэеэ хуряаһан талын сэсэг мэтэ залуу басаган альба жэльбэдэнь орошохоор, ехэл абаашатайханаар миһэржэ байба бшуу (Д. Эрдынеев); Залуу бэриин эдеэн хатуу (Оньһ. ү.); залуу наһан эдир наһан, шиираг, шадалтай хаһа (молодость): Залуу сэбэршье ябагдаал даа, / Зохидхон шамдаа дурлагдаал даа. / Залуу наһаншни үнгэрѳѳл даа, / Түрүүшын дуран, түрүүшын дуран (Ц. Шойжинимаев); залуу наһандаа эдир наһандаа (в молодости): Залуу наһандаа минии хүмүүжэмэл дэлхэй дүүрэн суурхажа ябахадань, нюдэнһѳѳмни нулимса гараадшье абаа (Э. Чимитдоржиев); залуу наһанһаа эдир хаһаһаа (с молодых лет): Пыльжид хүгшэн залуу наһанһаа колхоздо ажал хэжэ, «Победа» колхозой хүгжэлтэдэ хубитаяа оруулһан зоной нэгэн болоно (Ц.-Ж. Жамсаранов); залуу мал тэнжэһэн, тобиржоһон малай түл (молодняк): Энэ залуу мал хээлитэй болонхой юумэ түрэхэ үдэрѳѳ хүлеэн ябаа (Ц.-Ж. Жимбиев); залуу уран зохёолшод наһатай бэшэ, мүн һая эхилэн бэшэжэ байһан зохёолшод (молодые писатели): Ага нютагта мүндэлжэ алад саашаа дабхижа ябаhан hүүлэй үеын залуу уран зохёолшодой номууд жэл бүри тоогоороошье олошорно, шанараараашье дээшэлнэ (Ц. Жамбалов); залуу нүхэр эдир наһанай хүндэ хандалга (обращение к молодому человеку): – Залуу нүхэр, ехэл шанга, хэрэгтэй статья толилбо гээшэт (Ц. Шагжин); хүгшэн залуугүй наһатайшуулшье, эдиршүүлшье, булта (и стар, и млад): Эржээнэ Володя хоёрой инаг дуран тухай хүгшэн залуугүй нютаг зон мэдэхэ болобо (С. Цырендоржиев); хүгшэн залуу наһан (возраст): Би мориной хүгшэн залууе мэдэхэгүй байһандаа бэеэ зэмэлбэб (А. Жамбалдоржиев); ○ айдар, гүлмэр, холшор, эдир гэжэ үгэнүүдтэй парн. хэрэгл.; 2. юум. н. 1) эдир наһанай хүн (юноша, молодой человек): Һаянай, хэдэн жэлэй саанаһаа, һүлэмхи хүхэ нюдэтэй, зориг яданги энэ залууе дахуулдаг болонхой (С. Доржиев); Залууе дүрѳѳрнь мэдэхээр, залхууе – ябадалаар (Оньһ. ү.); Залуугай зам захагүй (Оньһ. ү.); 2) модоной нарай эшэ, һалаа (древесные побеги): модоной залуу.