ЗАЛИРХА

үйлэ ү. 1) унтарха, дууһан шатаха, һүнэхэ, бүрыхэ (угасать, меркнуть, догорать – о звёздах, вечерней заре): Галай залиран байхадань, үнэһэн соохи согуудынь үнгэ зүһэеэ хубилган, улайран харлан носожо, дээгүүрнь саһан сасагдан ууяна (Ц.-Ж. Жимбиев); Мүшэд бүрүүлхэнээр эмнилдэжэ, хатарай дүхэригһѳѳ хойно хойноһоо гараһан мэтэ һубарилдан залирна (В. Гармаев); 2) замхаха, номгорхо, болихо, буураха (прекращаться, утихать – о боли): Уур сухалайнгаа залирһан хойно, ухаа мэдээ ороһон хойноо энээхэн хѳѳрэлдѳѳнэйнгѳѳ уг удхые ухамайлан бодожо үзѳѳрэй (С. Цырендоржиев); Дуранайм охин мандажа эхилбэ гү, али залиржа байна гээшэ гү? (Б. Ябжанов).