ЗАГАҺА(Н)

(Н) 1. юум. н. хашарһатай, хүйтэн шуһатай, зангалайгаараа амилдаг уһан соо байдаг нюргата амитан (рыба): Сѳѳрэмэй эрьеһээ холошье бэшэ, уһанай нюруу дээрэ загаһад һүрѳѳд һүрѳѳд абана (Ч. Цыдендамбаев); Загаһан уһанай гүнзэгые, хүн байдалай һайниие бэдэрдэг (Оньһ. ү.); загаһа барилга загаһа агналга (рыболовство): Загаһа барилгын талаар холбоото уласай агентствын Ангар-Байгалай газар дэбисхэрэй хүтэлбэри; загаһа бариха үе загаһа олзоборилгын хаһа, саг (путина); загаһа шэнжэлэгшэ загаһанай аймагые шэнжэлдэг эрдэмтэн (ихтиолог); загаһа гэрдэхэ фонаряар ялагараар гэрэлтүүлээд һүниндѳѳ загаһа бариха (лучить рыбу); загаһа ехэтэй загаһаар элбэг (изобилующий рыбой); мэхэ загаһан загаһа барихада хэрэглэгдэдэг зэмсэг (блесна); хаб загаһан һэлюур, һэрбээ хүлтэй далайн амитан, нюрганиинь ехэнхидээ нэгэ үнгэтэй, шара ногоон-боро, үгышье һаа хүрибтэр мүнгэлиг-боро, хажуу болон гэдэһэн талаараа сайбар ба шаралгы (нерпа, тюлень): Тэрэ шаргань ангай ѳѳхэ мяхаар обойтороо ашаатай, жэжэ хаб загаһанай арһан монсогойлуулагдаад, хажуу талаарнь архайтараа уяатай (С. Доржиев); 2. тэмд. н. загаһанай, загаһанда хабаатай, загаһаар буйлуулагдаһан (рыбный): Эшэеэ ургашаһан хэдэн хартаабха хэршэжэ, крупа һамаржа бусалгаад, загаһан шүлэеэ бэлэн болгожо, бишыхан Сашатаяа набтар столдо һуубад (Ч. Цыдендамбаев).