ЖЭНХЭНИ

тэмд. н. 1) бодото, ёһото, үнэн, үнэхѳѳр, нээрээ (настоящий, подлинный, истинный): Гэрэй эзэн эхэнэр жэнхэни буряад ёһо гурим сахин, гэртэнь түрүүшынхиеэ ороһон айлшанда ехэхэн хүндэ түхеэрбэ (С. Цырендоржиев); жэнхэни буряад хэлэн үндэhэн буряад хэлэн (подлинный бурятский язык): Жэнхэни буряад уран хэлэеэ / Жэлhээ жэлдэ гүнзэгырүүлэн, / Наhан тухай, наран тухай / Намдуу ааляар удхалхаби (Д. Улзытуев); жэнхэни буряадаар хэлэхэ сэбэр (уһан) буряадаар хэлэхэ (говорить на чистом бурятском языке); 2) хуурмаг бэшэ, баталагдаhан, баталаг табигдаhан (действительный, неподдельный, оригинальный): Тэрэнь набтаршаг аад, шамбай сула бэетэй, жэнхэни стат советнигэй мундиртай, хүзүүндээ орден зүүһэн хүн байба (Б. Санжин, Б. Дандарон); жэнхэни бэшэ а) үнэн бэшэ (ненастоящий); б) ёhотой бэшэ. хэмэл, hажаалган хэhэн (искусственный, ненатуральный): Жэнхэни бэшэ, элдэб олон нэрэтэй хэмэл арhан гуталнууд наймаанда худалдагдадаг болоо.