ЖААХА(Н)

(Н) 1. тэмд. н. 1) хэмжүүрээрээ ехэ бэшэ, томо бэшэ, бага хэмжээнэй, бишыхан, багахан, баахан (маленький, небольшой): Газаашаа гарахадамни, үүр сайжа, үдэтэ жаахан жэргэмэл хангюурдажа эхилшэнхэй, харадаг эрьедэг нарамнай бултайхаяа түхеэрэнхэй байба (Ц.-Д. Хамаев); жаахан хайрсаг хэмжээгээр томо бэшэ, бага хайрсаг (небольшой ящик, ящичек): Модон һандали дороһоо жаахан хайрсаг гаргаад, нээжэ харан гэхэдээ, гайхахын ехээр гайхабал даа (М. Осодоев); 2) багахан, бага наһатай (малолетний): Старшина Бадараев тэрэ жаахан хүбүү тэбэрижэ абаад, бутаран унаhан ханын томо хэмхэрхэй доро хороод, тэрэнээ hамааруулан, гар дээрээ үлгыдэбэ (Г.-Д. Дамбаев); Жаахан гэжэ бү занда, дааган гэжэ бү һундала (Оньһ. ү.); 3) бирагүйхэн, шухала бэшэ (незначительный, неважный): – Намайе энэ жаахан зѳѳриин түлѳѳ шуһаараа орохо гэжэ һанаа гүш? (Д. Эрдынеев); харюугүй жаахан юумэн шамарлама бага юумэн (≈ кот наплакал); жаахан юумэ эдихэ бага юумэ эдихэ, үл залгаха (перекусывать); ○ хѳѳрхэн гэжэ үгэтэй парн. хэрэгл.; 2. наречи 1) нэгэ бага, шүүд, халта, бага зэргэ (немного, слегка): Даруу зантай Бүтэдмаагай түбхин номгон хоолойдо жааха гомдонги аялган дуулдахадал гэбэ (Б. Мунгонов); Тэрэл хурсаар соо хараһан нюдэн, елэн хара үһэн, сэхэ зохидхон хамар, жааха түхэреэн аман! (А. Жамбалдоржиев); нэгэ жааха нэгэ бага, бага зэргэ, удаан бэшэ (немножко, чуть-чуть): Тиигээд лэ үерэй уһанай нэгэ жааха намдахадань, таанарта дуулгахаяа гүйжэ ерэбэ гээшэб (Б. Мунгонов); 2) бага үлүү, гарамгай (чуть более); хори жаахан гараһан хори наһанһаа нэгэ бага үлүү гараһан (чуть за двадцать).